Burmese/မြန်မာ

ဥပဒေရေးရာ ပြဿနာများကို ကျွန်ုပ်တို့က ကူညီဖြေရှင်းပေးနိုင်ပုံ။

ဤအချက်အလက်များကို Wurundjeri (ဝူရွန်ဒ်ဂျရီ) နယ်မြေတွင် ရေးသားဖော်ထုတ်ခဲ့သည်။
ဤအချက်အလက်များသည် ၂၀၂၂ ခုနှစ် ဇန္နဝါရီလမှ စ၍ အကျုံးဝင်မည်ဖြစ်သည်။
ဥပဒေရေးရာ ပြဿနာများကြောင့် သင် စိတ်ဖိစီးနိုင်သည်၊ စိုးရိမ်ကြောင့်ကြနိုင်သည်၊၊ ဝမ်းနည်းနိုင်သည် သို့မဟုတ် ဒေါသထွက်နိုင်သည်။ ကျွန်ုပ်တို့အား ဆက်သွယ်သောအခါတွင် သင် ဤကဲ့သို့ ခံစားနေရနိုင်သည်ကို ကျွန်ုပ်တို့ နားလည်ပါသည်။ သင်၏ ဥပဒေရေးရာ ပြဿနာကို ကျွန်ုပ်တို့ ကူညီဖြေရှင်းပေးနိုင်သည်။

သင်၏ ဥပဒေရေးရာ ပြဿနာအကြောင်းကို ကျွန်ုပ်တို့အား ပြောပြနိုင်ပုံ။

သင်၏ ဥပဒေရေးရာ ပြဿနာအကြောင်းကို ကျွန်ုပ်တို့အား နည်းလမ်း သုံးမျိုးအရ ပြောပြနိုင်သည်။ သင်သည်၊

• Legal Help 1300 792 387 ကို ဖုန်းဆက်နိုင်သည်။
• ကျွန်ုပ်တို့၏ webchat (အင်တာနက်မှတဆင့် စာရေးဆက်သွယ်ပြောဆိုခြင်း) ကို အသုံးပြု၍ ကျွန်ုပ်တို့အား အွန်လိုင်းအရ စာရေးနိုင်သည်။
• ကျွန်ုပ်တို့၏ ရုံးတစ်ခုခုသို့ လာနိုင်သည်။

အဆင်သင့်ဖြစ်ရန် သင်၏ ဥပဒေရေးရာ ပြဿနာနှင့် ပတ်သက်သည့် စာရွက်စာတမ်းများကို ရယူပါ။ စာရွက်စာတမ်းဆိုသည်မှာ တရားရုံး၊ ရှေ့နေတစ်ဦးဦး သို့မဟုတ် ရဲထံမှ ဒဏ်ငွေဖြစ်စေ၊ စာ သို့မဟုတ် အီးမေးလ်ဖြစ်စေ၊ ဖြစ်နိုင်ပါသည်။

1. Legal Help ကို ဖုန်းဆက်ပါ။

သင် Legal Help 1300 792 387 ကို ဖုန်းဆက်နိုင်သည်။

Legal Help သည် တနင်္လာနေ့မှ သောကြာနေ့၊ နံနက် ၈ နာရီမှ ညနေ ၆ နာရီအထိ ဖွင့်ပြီး အစိုးရ ရုံးပိတ်ရက်များတွင် ပိတ်သည်။

ဖုန်းဆက်ခမှာ အရပ်ဒေသတူအတွင်း ဖုန်းဆက်ခအတိုင်းဖြစ်သည်။

Legal Help ကို လူတိုင်း ဖုန်းဆက်ခြင်းကို ကြိုဆိုလက်ခံသည်။

သင် Legal Help ကို ဖုန်းဆက်လျှင် သင် စောင့်ဆိုင်းရနိုင်သည်။ ဖြစ်နိုင်ပါက နံနက်စောစော ဖုန်းဆက်ပါ။

ကျွန်ုပ်တို့၏ webchat ကို အသုံးပြုလျှင် ပို၍မြန်ဆန်နိုင်ပါသည်။

ကျွန်ုပ်၏ ဘာသာစကားဖြင့် ကျွန်ုပ်စကားပြောနိုင်သလား။

ကျွန်ုပ်တို့၏ ဝန်ထမ်းများသည် ဘာသာစကားအမျိုးမျိုး ပြောတတ်ပါသည်။ သင့်ဘာသာစကားကို ကျွန်ုပ်တို့ မပြောတတ်လျှင် သင်ဖုန်းဆက်သည့်အခါ၌ စကားပြန်ကို ကျွန်ုပ်တို့စီစဉ်ပေးမည်။

သင့်ဘာသာစကားကို ကျွန်ုပ်တို့ ပြော/မပြောနိုင်သည်ကို သိရှိရန် speak your language ကို နှိပ်ကြည့်ပါ။

ကျွန်ုပ်ကိုယ်စား တစ်စုံတစ်ယောက်က ဖုန်းဆက်ပေးနိုင်သလား။

ဖုန်းဆက်ပေးနိုင်ပါသည်။ သင် ယုံကြည်စိတ်ချရသော လုပ်သား သို့မဟုတ် သင့်အား ကူညီပံ့ပိုးပေးသူက ကျွန်ုပ်တို့အား ဖုန်းဆက်နိုင်ပါသည်။ သင်၏ လုပ်သား သို့မဟုတ် သင့်အား ကူညီပံ့ပိုးပေးသူသည် ဖုန်းဆက်သည့်အခါတွင် သင်သည် ၎င်းတို့နှင့် အတူရှိနေလျှင် အကောင်းဆုံးဖြစ်သည်။ လုပ်သားများသည် ဖုန်းက ညွှန်ကြားသည့်အတိုင်း လိုက်လုပ်ရမည်။

National Relay Service (တစ်နိုင်ငံလုံးဆိုင်ရာ တစ်ဆင့်ကမ်း ဝန်ဆောင်မှု) ကို ကျွန်ုပ် အသုံးပြုနိုင်သလား။

အသုံးပြုနိုင်ပါသည်။ အောက်ပါတို့ကို ရွေးချယ်အသုံးပြုနိုင်ပါသည်။

• TTY။ 133 677 ကို ဖုန်းဆက်ပြီးနောက် 1300 792 387 ကို ဖုန်းဆက်ပါ။
• Speak and Listen (ပြောဆိုပြီး နားထောင်ပါ)။ 1300 555 727 ကို ဖုန်းဆက်ပြီးနောက် 1300 792 387 ကို ဖုန်းဆက်ပါ။
• Internet Relay (အင်တာနက် တစ်ဆင့်ကမ်း)။ nrschat.nrscall.gov.au ကို ဝင်ပြီးနောက် 1300 792 387 ကို ဖုန်းဆက်ပါ။
• SMS Relay (SMS တစ်ဆင့်ကမ်း)။ 0423 677 767 ကို စာသား ရိုက်ပို့ပါ။
• Video Relay (ဗီဒီယို တစ်ဆင့်ကမ်း)။ Skype သို့မဟုတ် National Relay Service အက်ပ်ကို သုံးပါ။

National Relay Service ကို အသုံးမပြုမီ ၎င်းအတွက် စာရင်းသွင်းရမည်။

2. ကျွန်ုပ်တို့ထံ webchat ဖြင့် (အင်္ဂလိပ်စာဖြင့်သာ) စာရေးပါ။

သင်၏ ဥပဒေဆိုင်ရေးရာ ပြဿနာအကြောင်းကို ကျွန်ုပ်တို့၏ ဝန်ထမ်းများထံ ရေးသားပို့ပေးရန် Legal Help Chat ဟုခေါ်သော ကျွန်ုပ်တို့၏ webchat ကို အသုံးပြုပါ။ ကျွန်ုပ်တို့၏ ဝန်ထမ်းများက သင့်အား ဖြေကြားပေးလိမ့်မည်။ သင် နောက်ထပ်အကူအညီ လိုအပ်လျှင် ၎င်းတို့က သင့်အား Legal Help ကို ဖုန်းဆက်ခိုင်းနိုင်ပါသည်။

3. ကျွန်ုပ်တို့ထံ လာပါ။

သင် ကျွန်ုပ်တို့၏ရုံးသို့ လာနိုင်ပါသည်။ မယ်လ်ဘန် မြို့တော်နှင့် ဗစ်တိုးရီးယားပြည်နယ် နယ်ဒေသများတွင် ကျွန်ုပ်တို့၏ရုံးများရှိပါသည်။ ကျွန်ုပ်တို့၏ရုံးများ တည်ရှိသည့်နေရာများကို သိရှိရန် where we have offices ကို နှိပ်ကြည့်ပါ။

သင် ရှေ့နေတစ်ဦးနှင့် ပြောဆိုဆွေးနွေးရန် ရက်ချိန်းလိုအပ်လိမ့်မည်။

ကျွန်ုပ်တို့၏ရုံးများ၌ ဘီးတပ်လှည်းများအတွက် ဆင်ခြေလျှောလမ်းများ သို့မဟုတ် ဓာတ်လှေကားများရှိပြီး ဝန်ဆောင်မှုပေးသော တိရစ္ဆာန်များ (ဥပမာ မသန်မစွမ်းသူများအား ကူညီဆောင်ရွက်ပေးရန် လေ့ကျင့်သင်ကြားပေးထားသော ခွေးများ) ကိုလည်း လက်ခံကြိုဆိုပါသည်။

သင် ကျွန်ုပ်တို့အား ဆက်သွယ်သောအခါ ဘာဖြစ်မည်နည်း။

ကျွန်ုပ်တို့က သင့်အား မေးခွန်းများ မေးမည်။ ၎င်းသည် ကျွန်ုပ်တို့က သင့်အား မည်သည့်အကူအညီများ ပေးနိုင်မည်ကို ဆုံးဖြတ်ရာတွင် အထောက်အကူပြုပေမည်။

သင် ကျွန်ုပ်တို့အား ပြောဆိုသမျှအားလုံးကို လျှို့ဝှက်ထားမည်ဖြစ်သည်။ ကျွန်ုပ်တို့သည် သင့်ပြောပြချက်များကို သင်ခွင့်ပြုချက် မရှိဘဲ မည်သူကိုမျှ ပြန်ပြောမည်မဟုတ်ပါ။

ဥပဒေရေးရာ ပြဿနာ အများအပြားကို ကျွန်ုပ်တို့ ကူညီဖြေရှင်းပေးနိုင်ပါသည်။ သင့် မေးခွန်းများကို ကျွန်ုပ်တို့ မဖြေနိုင်ပါက သင့်အား ဖြေဆိုနိုင်စွမ်းရှိသူထံသို့ လွှဲပေးမည်။ ၎င်းသည် ရပ်ရွာလူထု ဥပဒေရေးရာဌာန တစ်ခုခု သို့မဟုတ် ပုဂ္ဂလိကရှေ့နေ တစ်ဦးဦးဖြစ်နိုင်သည်။

ကျွန်ုပ်တို့က ကူညီပေးနိုင်ပုံ။

ဥပဒေရေးရာ သတင်းအချက်အလက်များနှင့် အကြံဉာဏ်များ။

ကျွန်ုပ်တို့သည် သင့်အား ဥပဒေနှင့် သင် ရွေးချယ်နိုင်သော နည်းလမ်းများအကြောင်းကို ပြောပြနိုင်သည်။

ကျွန်ုပ်တို့သည် အောက်ပါတို့ကိုလည်း လုပ်ပေးနိုင်သည်။

• သင့်အား အချက်အလက်များကို ပို့ပေးခြင်း၊
• တရားရုံးမတက်မီ သင်နှင့် ဆွေးနွေးပြောဆိုခြင်း၊
• သင့်အား အခြားဝန်ဆောင်မှု အဖွဲ့အစည်းမျာ၊ ပံ့ပိုးကူညီပေးသည့်အဖွဲ့အစည်းများနှင့် ချိတ်ဆက်ပေးခြင်း၊
• စာများကို ရေးပေးခြင်း၊
• တရားရုံးတွင် သင့်အတွက် ရှေ့နေလိုက်ပေးခြင်းတို့ဖြစ်ပါသည်။

ဤကိစ္စများမှာ၊

• သင်၏ ဥပဒေရေးရာ ပြဿနာနှင့်
• သင်ငွေမည်မျှ တတ်နိုင်သည်တို့အပေါ် မူတည်ပါလိမ့်မည်။
• အောက်ပါအခြေအနေများတွင် ကျွန်ုပ်တို့က သင့်အား ပိုမိုကူညီပေးနိုင်မည်။
• သင် အင်္ဂလိပ်စကားပြောဆိုရန် ခက်ခဲနေလျှင်၊
• သင့်၌ မသန်စွမ်းမှု သို့မဟုတ် စိတ်ရောဂါတစ်စုံတစ်ရာရှိနေလျှင်၊
• သင်သည် အဘောရိဂျိနလ် တိုင်းရင်းလူမျိုး နှင့်/သို့မဟုတ် တောရက်စ် ရေလက်ကြား ကျွန်းသားဖြစ်လျှင်တို့ဖြစ်ပါသည်။

ကျွန်ုပ်တို့နှင့် ဆက်သွယ်ပြောဆိုရာတွင် စကားပြန်များ သို့မဟုတ် National Relay Service ကဲ့သို့သော လိုအပ်သည့် ပံ့ပိုးကူညီမှုများကို ကျွန်ုပ်တို့ စီစဉ်ပေးနိုင်ပါသည်။

သင့်အတွက် သင့်မြတ်သည်ဟု သင်ထင်မှတ်ရသော နည်းလမ်းများဖြင့် ကျွန်ုပ်တို့ သင်နှင့် ဆက်သွယ်ပြောဆိုနိုင်ပါသည်။

သင် အချက်အလက်များကို မည်ကဲ့သို ရယူလိုသည်ကို ကျွန်ုပ်တို့အားပြောပါ။

Duty lawyers (တာဝန်ကျ ရှေ့နေများ)

ကျွန်ုပ်တို့၏ duty lawyers များသည် ဗစ်တိုးရီးယားပြည်နယ်တစ်လျှောက်လုံးရှိ တရားရုံးများ၌ အလုပ်လုပ်ကြသည်။ ၎င်းတို့သည် ဥပဒေရေးရာ ပြဿနာများအချို့ကို ကူညီဖြေရှင်းပေးကြသည်။ တရားဆိုင်ရမည့်နေ၌ သင့်တွင် ရှေ့နေ ရှိပြီးသားမဖြစ်ပါက ၎င်းတို့က သင့်အား ရှေ့နေလိုက်ပေးနိုင်သည်။ သင်တရားရုံးတက်ရမည်ဖြစ်ပြီး သင့်တွင် ရှေ့နေမရှိသေးလျှင် duty lawyer တစ်ဦးနှင့် စကားပြောနိုင်မည်လားဟု တရားရုံးကို မေးပါ။ သင့်အား ကူညီပေးနိုင်သော အခြားဝန်ဆောင်မှုများ၊

ဌာနများအကြောင်းကိုလည်း သင်မေးမြန်းနိုင်ပါသည်။

သင် ဥပဒေအချိုးဖောက်ခဲ့သည်ဟု ရဲကပြောသဖြင့် သင်တရားရုံးတက်ရမည်ဖြစ်လျှင် သင်တရားရုံးမတက်မီ duty lawyer တစ်ဦးနှင့် ပြောဆိုဆွေးနွေးနိုင်သည်။ တရားရုံး မတက်မီ အကူအညီရယူမှုဆိုင်ရာ ဝန်ဆောင်မှုအကြောင်းကို ပိုမိုရှာဖွေသိရှိရန် ကျွန်ုပ်တို့၏ Help Before Court service ဝက်ဘ်ဆိုက်တွင် ကြည့်ပါ။

သင် Family Law Courts (မိသားစု ဥပဒေရေးရာ တရားရုံးများ) ကို တက်မည်ဆိုလျှင် တရားရုံး မတက်မီ ကျွန်ုပ်တို့၏ Family and Advocacy Support Services (မိသားစုနှင့် ထောက်ခံအားပေးရေးဆိုင်ရာ ကူညီပံ့ပိုးပေးမှု ဝန်ဆောင်မှုများ) နှင့် ပြောဆိုဆွေးနွေးနိုင်သည်။

အခြား အထောက်အပံ့များ

သင်၏ ဥပဒေရေးရာ ပြဿနာအတွက် အခြားအထောက်အပံ့များကို ကျွန်ုပ်တို့ပေးနိုင်သည်။

သင်သည် စိတ်ကျန်းမာရေးဆိုင်ရာ ကုသမှုတစ်စုံတစ်ရာကို မလုပ်မနေ ခံယူနေရလျှင်Independent Mental Health Advocacy (လွတ်လပ်သော စိတ်ကျန်းမာရေးဆိုင်ရာ ထောက်ခံအားပေးမှု) က သင့်အား ကူညီပံ့ပိုးပေးနိုင်ပါသည်။

ကျွန်ုပ်တို့၏ Independent Family Advocacy and Support (လွတ်လပ်သော မိသားစုကို ထောက်ခံအားပေးရေးနှင့် ကူညီပံ့ပိုးပေးရေး) သည် ကလေးများအား ကာကွယ်ပေးသောစနစ်၏ အစောပိုင်းအဆင့်များတွင် မိဘများနှင့် အဓိကကြည့်ရှုစောင့်ရှောက်သူများအား ကူညီပံ့ပိုးပေးနိုင်ပါသည်။

သင်နှင့် သင့်ကြင်ဖော်တို့ ကွဲကွာကြတော့မည်ဆိုလျှင် ကျွန်ုပ်တို့၏ Family Dispute Resolution Service (မိသားစု အငြင်းပွားမှု ဖြေရှင်းရေး ဝန်ဆောင်မှု) က ဥပမာ မည်သူက ကလေးများအား ကြည့်ရှုစောင့်ရှောက်မည်ကဲ့သို့သော သင်တို့အကြား သဘောတူညီချက်များကို ရရှိရန် သင့်အား ကူညီပံ့ပိုးပေးနိုင်ပါသည်။

သင်၏ ဥပဒေရေးရာ ပြဿနာအကြောင်းဆိုင်ရာ နောက်ထပ်အချက်အလက်များကို ရှာကြည့်ပါ။

ကျွန်ုပ်တို့၏ website (ဝက်ဘ်ဆိုက်) တွင် ဥပဒေရေးရာ ပြဿနာမျိုးစုံအတွက် အချက်အလက်များရှိသည်။

သင်သည် ဝက်ဘ်ဆိုက်ကို အကျယ်ချဲ့ကြည့်နိုင်ပါသည် သို့မဟုတ် စာသားများကို ကူညီဖတ်ရှုပေးနိုင်သော စက်/နည်းပညာကို အသုံးပြုနိုင်ပါသည်။

လွယ်ကူစွာ ဖတ်ရှုနိုင်သော သို့မဟုတ် ကျွန်ုပ်၏ ဘာသာစကားဖြင့် ဖတ်ရှုနိုင်သော အချက်အလက်များရှိသလား။

ကျွန်ုပ်တို့၌ ဘာသာစကားမျိုးစုံဖြင့်အပြင် လွယ်ကူစွာလည်း ဖတ်ရှုနိုင်သည့် ဥပဒေရေးရာအကြောင်းအရာများအချို့အတွက် အခမဲ့ စာအုပ်ငယ်များရှိသည်။

ကျွန်ုပ်တို့၏ စာအုပ်ငယ်များကို ကျွန်ုပ်တို့၏ catalogue page (ကက်တလောက် စာမျက်နှာ) တွင် သင်ရှာတွေ့နိုင်ပါသည်။

ကျွန်ုပ်တို့၏ စာစောင်များကို ဖတ်ရှုရန် စာသားများကို ကူညီဖတ်ရှုပေးနိုင်သော စက်/နည်းပညာကို သင်အသုံးပြုနိုင်ပါသည်။

ကျေးဇူးတင်ရှိခြင်း။

ကျွန်ုပ်တို့၏ Shared Experience and Support (အတွေ့အကြုံချင်းတူညီခြင်းနှင့် ပံ့ပိုးကူညီခြင်း) အဖွဲ့နှင့် Speaking from Experience (ကိုယ်တွေ့ဗဟုသုတအရ ပြောဆိုခြင်း) အဖွဲ့တို့က ဤစာမျက်နှာကို ကူညီ၍ ရေးသားပေးခဲ့သည်။